اسلام آباد (این این آئی) وزیر خارجہ شاہ محمود قریشی نے کہاہے کہ بھٹو کا روٹی کپڑا اور مکان نعرہ بھٹو کے ساتھ ہی دفن ہو گیا، تحریک انصاف کی حکومت محنت کشوں اور مزدوروں کی جدو جہد کو تسلیم کرتی ہے۔یوم مئی کے موقع پر وزیر خارجہ شاہ محمود قریشی نے اپنے پیغام میں
کہاکہ محنت کشوں کو خراج تحسین پیش کرتا ہوں۔انہوںنے کہاکہ اس شہر میں مزدور جیسا کوئی در بدر نہیں جس نے سب کے گھر بنائے اس کا کوئی گھر نہیں‘‘ ۔شاہ محمود قریشی نے کہاکہ سابقہ حکومتوں نے محنت کشوں کو نظر انداز کیا ۔شاہ محمود قریشی نے کہاکہ بھٹو کا روٹی کپڑا اور مکان نعرہ بھٹو کے ساتھ ہی دفن ہو گیا ۔شاہ محمود قریشی نے کہاکہ تحریک انصاف کی حکومت محنت کشوں اور مزدوروں کی جدو جہد کو تسلیم کرتی ہے۔انہوںنے کہاکہ محنت کش طبقہ تبدیلی لانے میں ہر اول سپاہی کا کردار ادا کرتے ہیں ۔شاہ محمود نے کہاکہ دنیا بھر کا مزدور آج کے دن بھی اپنی روزی کے حصول کیلئے محنت کررہا ہے۔ شاہ محمود قریشی نے کہاکہ یوم مئی کا دن شکاگو کے مزدوروں کی یاد لاتا ہے۔انہوںنے کہاکہ تحریک انصاف کی حکومت محنت کشوں کو ان کا حق دیگی ۔
