شورکوٹ چھاؤنی(آن لائن)تعلیمی اداروں میں سالانہ تقاریب کے نام پر فحاشی پھیلائی جانے لگی نجی کالج میں اساتذہ کا طالبات اور لیڈیز سٹاف کے ہمراہ گانوں پر ڈانس ویڈیو سوشل میڈیا پر وائرل ہو گئی۔تفصیلات کے مطابق شورکوٹ چھاؤنی کے نجی ہائی کیریئر کالج میں گذشتہ روز سالانہ تقریب کے نام پر ڈانس پارٹی کاا نعقادکیا گیا۔جس میں پرنسپل سمیت مردانہ سٹاف طالبات اور لیڈی ٹیچر کے ساتھ
گانوں پر ڈانس کرتے رہے جسکی ویڈیو سوشل میڈیا پر وائرل ہو گئی جس سے والدین اور شہریوں میں تشویش کی لہر دوڑ گئی مگر محکمہ تعلیم نے اس پر ابھی تک کوئی نوٹس نہیں لیا۔جبکہ عوامی و سماجی حلقوں نے وزیر تعلیم پنجاب سے نوٹس لینے کا مطالبہ کرتے ہوئے کہا ہے کہ نجی کالجز میں سالانہ تقاریب کے نام پر ایسی ڈانس پارٹیوں پر پابندی لگائی جائے اور ایسے کالجز کو فی الفور بند کیا جائے۔
