راولپنڈی (آن لائن): جیسے پاکستانی ڈرامے دنیا بھر میں اپنی خاص نوعیت اور اسٹوری لائن کی وجہ سے مشہور ہیں ویسے ہی کچھ غیر ملکی ڈرامہ سیریز بھی ایسی ہیں جنہوں نے دنیا بھر میں مقبولیت حاصل کی۔ اس میں سے ایک سیریز ”گیم آف تھرونز” بھی ہے۔ حال ہی میں راولپنڈی میں گیم آف تھرونز کے ایک کردار ٹیرین لینسٹر کا ہم شکل راولپنڈی میں دیکھا گیا۔معلوم کرنے پر پتہ چلا کہ روزی خان ایک معمولی ویٹر ہے۔ لیکن روزی خان کو کیا معلوم تھا کہ اس کی شکل و صورت اسے

ایک دن ماڈل بنا دے گی۔ ٹیرین لینسٹر سے مشابہت رکھنے کی وجہ سے روزی خان کو ایک اشتہار میں کام کرنے کا موقع مل گیا اور وہ ماڈل بن گیا۔ روزی خان کا تعلق صوبہ خیبرپختونخوا کے شہر مانسرہ سے ہے اور وہ راولپنڈی کے ایک ہوٹل میں ویٹر ہے۔ٹیرین لینسٹر کو ہوٹل پر کام کرتے دیکھ کر کئی لوگ حیران رہ گئے تھے، کیونکہ ان کی شکل گیم ا?ف تھرونز کی کردار ٹیرین لینسٹر سے ملتی ہے۔ دلچسپ بات یہ ہے کہ روزی خان کا قد بھی اتنا ہی ہے جتنا گیم ا?ف تھرونز کے بونے کردار ٹیرن لینسٹر کا ہے۔ بوطر ویٹر کام کرنے والے 25 سالہ روزی خان کا قد 4 فٹ سے کم ہے اور ان کی شکل 49 سالہ امریکی اداکار پیٹر ڈنکلیج سے ملتی ہے۔جس وجہ سے انہیں دنیا بھر میں شہرت ملی، یہی وجہ ہے کہ انہیں ایک ا?ن لائن فوڈ سروس فراہم کرنے والے ادارے کے اشتہار میں کام کرنے کا موقع مل گیا۔ آن لائن فوڈ ڈیلیوری فراہم کرنے والے ادارے ”چیتے” نے روزی خان کے اشتہار کی ویڈیو سوشل میڈیا پر جاری کی، جو دیکھتے ہی دیکھتے وائرل ہوگئی۔ اشتہار میں دیکھا گیا کہ ٹیرین لینسٹر کے ہم شکل روزی خان کو ہوٹل پر کھانا کھاتے ہوئے دیکھ کر کئی لوگ ان کے پاس آتے اور ان کے ساتھ سیلفی بنوانے کی فرمائش کرتے ہیں۔