کراچی(این این آئی)عالمی مالیاتی ادارے (آئی ایم ایف) نے خبردارکیاہے کہ آئندہ دو برسوں میں پاکستان کے 27ارب ڈالر کی قرضے میچور ہوجائیں، معاشی سست روی اورمہنگائی میں اضافے جیسے مسائل کا سامنا رہے گا۔عالمی مالیاتی ادارے نے پاکستان،افغانستان اورخلیجی ممالک کی معیشت پر اکنامک آؤٹ لک اپ ڈیٹ جاری کردیا ہے، رپورٹ میں پاکستان اور افغانستان کی

معاشی شرح نمو میں نمایاں کمی کی پیشگوئی کی گئی ہے جبکہ خلیجی ممالک کی معاشی ترقی کی شرح سست روی کا شکار رہے گی، پورے خطے میں افراط زر کی شرح 11فیصد سے زیادہ رہنے کا امکان ہے۔رپورٹ میں کہا گیا ہے کہ پاکستان کی معاشی شرح نمو 2.9 فیصد تک رہنے کا امکان ہے، جو پورے خطے کی معاشی ترقی کی شرح پر دباؤ ڈالے گی، اس کے علاوہ روپے کی قدر میں کمی دیگر عوامل کے ساتھ خطے میں مہنگائی میں اضافے کا باعث بنے گی۔آئی ایم ایف نے خبردارکیاہے کہ آئندہ دو برسوں میں پاکستان کے 27ارب ڈالر کے قرضے واجب الادا ہوجائیں گے، جس سے ملک کی معیشت کو بیرونی خدشات اور عدم استحکام کا سامنا رہیگا۔رپورٹ میں کہا گیا پاکستان میں ٹیکس وصولیاں تاحال کم ہیں، نقصان میں چلنے والے اداروں کی وجہ سے وسائل کا درست استعمال نہیں ہورہا، اداروں کی تنظیم نو اور مالیاتی استحکام کی ضروری ہے۔رپورٹ میں کہا گیا پاکستان میں ٹیکس وصولیاں تاحال کم ہیں، نقصان میں چلنے والے اداروں کی وجہ سے وسائل کا درست استعمال نہیں ہورہا، اداروں کی تنظیم نو اور مالیاتی استحکام کی ضروری ہے