اسلام آباد(این این آئی)پاکستان پیپلز پارٹی کے چیئرمین بلاول بھٹو زرداری نے وضاحت کی ہے کہ خان صاحب ”سمجھتی“ہے کا جملہ جان بوجھ کر نہیں بولا تھا،ایسا اردو پر عبور نہ ہونے کے باعث ہوا،پی ٹی آئی کی کرپشن پر تفتیشی ادارے ایکشن کیوں نہیں لیتے؟،پی ٹی آئی کی کرپشن کو ہر جگہ پر بے نقاب کیا جائے۔ ہفتہ کو یہاں بلاول بھٹو زرداری نے پارٹی رہنماؤں
سے غیر رسمی گفتگو کے دوران کہا کہ میں نے خان صاحب سمجھتی ہے کا جملہ جان بوجھ کر نہیں کہا، ایسا اردو پر عبور نہ ہونے کے باعث ہوا۔انہوں نے کہاکہ میری فطرت میں یہ بات نہیں ہے کہ میرے عمل یا الفاظ سے کسی کی تضحیک ہو۔ بلاول بھٹو زرداری نے کہاکہ میری والدہ نے جوتربیت کی، اس میں کسی کی ذات کو طنز کا نشانہ بنانے سے روکا گیا ہے۔
