اسلام آباد (این این آئی)وزیرخارجہ شاہ محمود قریشی نے سرلنکن وزیراعظم سے رابطہ کر کے دہشتگردانہ واقعات پر مذمت کی ہے ۔اتوار کو وزیر خارجہ شاہ محمود قریشی نے رانیل وکرم سنگھے سے اظہار مذمت کیا۔ترجمان کے مطابق شاہ محمود قریشی نے وزیراعظم اور صدر کی طرف سے بھی کسی بھی قسم کے مکمل تعاون کی یقین دہانی کرائی۔ترجمان دفترخارجہ
کے مطابق حکومت پاکستان اور پاکستان کے عوام اس دکھ کی گھڑی میں سری لنکا کے ساتھ کھڑے ہیں۔ترجمان کے مطابق وزیرخارجہ جلد سری لنکا کا دورہ بھی کریں گے ، واضح رہے کہ پاکستان نے اس سے قبل بھی سری لنکا میں باغیوں کے خلاف بھرپور مدد کی تھی اور پاکستان کی مدد سے سری لنکا اس بحران سے نکل گیاتھا۔
