اسلام آباد(مانیٹرنگ ڈیسک)معروف تجزیہ کار ارشاد بھٹی نے بلاول بھٹو کو شدید تنقید کا نشانہ بنا دیا ۔ تفصیلات کے مطابق نجی ٹی وی کے ایک پروگرام میں گفتگو کے دوران انہوں نے بلاول بھٹو سے متعلق بات کرتے ہوئے کہا ہے کہ آپ بلاول کو سریس کیوں لیتے ہیں ، بلاول کیا ہے ؟ اسے کیا پتا کہ حاکم علی زرداری کو 1977میں ذوالفقار علی بھٹو نے ٹکٹ دینے سے انکار کر دیا تھا ۔ 1985میں جب پیپلز پارٹی نے عام انتخابات کے بائیکاٹ کا اعلان کیا تو حاکم علی زرداری نے ایم این اے اور آصف علی زرداری نے ایم پی اے کی سیٹ پر

الیکشن لڑا تھا اس میں دونوں کی ضمانتیں ضبط ہو گئیں تھیں ۔ ذوالفقار علی بھٹو کے مرنے کے بعد تین بار حکومت ان کو ملی ۔ پچھلے 21سالوں سے یہ سندھ پر حکومت کرتے چلے آ رہے ہیں ۔ ان کی حکومت کی بدولت سندھ ’گٹر کا قبرستان ‘ بن چکا ہے ، باتیں چھوڑیں اور خدا کا خوف کریں ۔ معروف صحافی کا مزید کہنا تھا کہ جب یہ مرکز میں ہوتے ہیں تو یہ مضبوط وفاق چاہتے ہیں ۔ اور پھر شہباز شریف کیخلاف بریف کیس بھر کر پہنچ جاتے ہیں ۔ سلمان تاثر گورنر راج لگا دیتا ہے اور اسی طرح یہ صوبے میں ہوتے ہیں تو مضبوط صوبہ چاہتے ہیں ۔