کراچی (این این آئی)امریکی ڈالرز بیرون ملک منتقل کرنے والوں کے خلاف ایف بی آر سرگرم ، کراچی کی ایک فیملی کی جانب سے 40 لاکھ سے زائد امریکی ڈالرز امریکہ منتقل کیے جانے کا بڑا انکشاف،کسٹم کورٹ نے باپ، بیٹے اور بیٹیوں کے وارنٹ گرفتاری جاری کر دیئے ۔انٹیلی جنس اینڈ انوسٹی گیشن ان لینڈ ریونیو نے مقدمے کی نقول کسٹم کورٹ میں جمع کرائی جس میں بتایا گیا ہے کہ ملزمان میں باپ پرویز علی، بیٹیاں سارہ، انعم علی اور بیٹا جبران شامل ہیں۔ملزمان پاکستان کے ساتھ امریکی شہریت بھی رکھتے ہیں۔ ملزمان نےمنی لانڈرنگ کے لیے 2016 میں متعدد اکاوئنٹس

کھولے۔ملزمان نے کراچی کی مختلف ایکس چینجز سے بھاری تعداد میں ڈالرز خریدے۔ملزمان نے مختلف اکاوئنٹس کے ذریعے ڈالرز امریکہ بھجوائے،ملزمان اب تک 40 لاکھ, 94 ہزار 500 ڈالرز امریکہ منتقل کر چکے,ملزم پرویز علی سے اثاثوں کے بارے میں پوچھا تو اطمینان بخش جواب نہ دے سکا۔شبہ ہے کہ ملزمان نے منی لانڈرنگ کرکے غیر قانونی اثاثے بنائے۔ملزمان نے 11 کروڑ روپے سے زائد کا ٹیکس چوری کیا۔عدالت نے ملزمان کے 10,10 لاکھ کے عوض قابل ضمانت وارنٹ گرفتاری جاری کرتے ہوئے ایف بی آر حکام کو مزید تحقیقات کرنے کی ہدایت کی ہے۔