پشاور (این این آئی)وزیر دفاع اور سابق وزیر اعلیٰ خیبر پختون خوا پرویز خٹک نے پشاور میٹرو بس کے حوالے سے وزیر اعلیٰ خیبرپختون خوا محمود خان کی انسپیکشن ٹیم کی رپورٹ کو مسترد کرتے ہوئے کہاہے کہ انسپکشن ٹیم جو کہہ رہی ہے کہنے دیں یہ ثابت کرنا ہوگا کہ بی آر ٹی منصوبے کی لاگت میں 25 فیصد اضافہ کہاں ہوا۔نجی ٹی وی کے پروگرام میں اظہار خیال کرتے ہوئے وزیر دفاع پرویزخٹک پشاور میٹرو پر موجودہ وزیراعلیٰ محمود خان کی انسپیکشن ٹیم کی رپورٹ کو مسترد

کردیا ہے۔انہوں نے کہاکہ انسپکشن ٹیم جو کہہ رہی ہے کہنے دیں یہ ثابت کرنا ہوگا کہ بی آر ٹی منصوبے کی لاگت میں 25 فیصد اضافہ کہاں ہوا۔پرویز خٹک نے محمود خان کی انسپکشن رپورٹ کے بارے میں کہا کہ یہ رپورٹ کہاں سے آگئی ، پتہ نہیں کیسے25فیصد اضافے کی بات کی گئی۔یادر ہے کہ انسپکشن ٹیم کی رپورٹ میں کہا گیا تھا کہ پشاور میٹرو منصوبے میں نااہلی اور ناقص منصوبہ بندی کی وجہ سے قوم کے اربوں روپے ضائع ہوئے اور منصوبے کی لاگت بڑھی ہے۔