اوستہ محمد(آن لائن) سابق وزیر اعظم بزرگ سیا ستدان ، الحاج میر ظفراللہ خان جمالی صحت یاب ہو کر اپنے گاوں روجھان جمالی پہنچ گئے، غریبوں کی دعائوں نے اثر کیا۔ ہر کسی نے گھروں مساجدوں میں میر صاحب کی صحت یابی کی دعائیں مانگی تھیں ،تفصیلات کے مطابق بلوچستان اور خاص کر کے نصیر آباد کی ہر دلعزیز شخصیت بزرگ سیا ستدان سابق وزیر اعظم الحاج میر ظفر اللہ خان جمالی جوکہ کافی دنوں سے بیمار تھے اور کراچی میں رہائش پذیر تھے۔

میر صاحب کی خاطر غریبوں ، پیروں اور ہر طبقہ فکر کے لوگوں نے دعائی مانگیں۔ دعائوں کے اثر سے اللہ پاک نے انہیں صحت یاب کیا اور گزشتہ روز وہ اپنے گائوں روجھان جمالی پہنچ گئے تو نہ صرف روجھان جمالی میں بلکہ پورے علا قے میں خوشی کا اظہار کیا گیا، ان کی صحت بہتر ہونے پر انہیں مبارک بادی اور صحت یابی پر مبارک باد کے لئے بڑی تعداد میں لوگ روجھان جمالی پہنچنا شروع ہو گئے۔

موضوعات:میر ظفر اللہ خان جمالی