پشاور( آن لائن )عوامی نیشنل پارٹی کے سربراہ اسفند یار ولی نے کہا ہے کہ ملک چلانا تحریک انصاف کے بس کی بات نہیں، حکومت عوام کی حالت پر رحم کرے اور پٹرولیم مصنوعات کی قیمتوں میں اضافہ واپس لے ۔ میڈیا رپورٹس کے مطابق اسفند یار ولی نے اپنے ایک بیان میں کہا کہ پٹرولیم مصنوعات
کی قیمتوں میں اضافے کا فیصلہ مستر د کرتے ہیں حکومت عوام کی حالت پر رحم کرے اورپٹرولیم مصنوعات کی قیمتوں میں اضافہ واپس لے ۔ ثابت ہوگیا ہے کہ ملک کو چلانا تحریک انصاف کے بس کی بات نہیں ہے حکومت اپنی ناکامی چھپانے کیلئے 18ویں آئینی ترمیم کے خلاف سازشیں کررہی ہے۔
