لاہور (آن لائن) (ن) لیگی رہنما زعیم قادری کے ستائے لوگ لاہور ہائیکورٹ پہنچ گئے۔ خالد محمود ودیگر متاثرین کاموقف ہے کہ زعیم قادری نے الفلاح ٹاؤن میں فروخت کی گئی اراضی پر گھر بنا لیے۔ فروخت کی گئی 112 کنال اراضی پر 400 سے زائد گھر تعمیر ہوچکے ہیں۔زعیم قادری نے زمین آگے سمال بزنس انڈسٹریز سوسائٹی کو فروخت کردی

اور عدالتوں میں مقدمات سے بے خبر رکھا۔ متاثرین کا مزید کہنا ہے کہ زعیم قادری سمال بزنس انڈسٹریز سوسائٹی کے ساتھ مل کر فراڈ کررہے ہیں اور سمال بزنس انڈسٹریز سوسائٹی سے مل کر گھروں سے محروم کرنا چاہتے ہیں۔عدالت نے زعیم قادری اور سمال بزنس انڈسٹریز سوسائٹی کے وکلاء4 کو آئندہ سماعت پر بحث کیلئے طلب کر لیا ہے۔

موضوعات:زعیم قادری