اسلام آباد (این این آئی)اقتصادی رابطہ کمیٹی نے پاکستان اسٹیل کی ازسرِنو بحالی کی رپورٹ 15 اپریل تک طلب کرلی۔وزیر خزانہ اسد عمر کی زیر صدارت اقتصادی رابطہ کمیٹی کا اجلاس ہوا جس میں انشورنس سیکٹر میں ریگولیشن بہتر بنانے پر اتفاق کیا گیا تاہم انشورنس سیکٹر کے لیے نیا ریگولیٹر لانے کی تجویز دو ماہ کیلئے مؤخر کردی گئی۔ذرائع کے مطابق ای سی سی نے قطر سے 200 مکعب فٹ یومیہ گیس اضافی لینے کا اصولی فیصلہ کیا ۔ذرائع نے بتایا کہ وزیر خزانہ نے ہدایت کی ہے کہ ایل این جی
قیمت کیلئے پرائس ریویو کمیٹی قائم کی جائے، ایل این جی کی درآمد 100 فی صد شفاف ہو۔اقتصادی رابطہ کمیٹی نے پورٹ پر پڑے سامان کو سرچارج کے بغیر کلیئر کرانے کی منظوری دیدی ہے اور نے سرچارج کی مد میں 50 کروڑ روپے کا ریلیف دینے کا فیصلہ کیا ہے۔ذرائع کے مطابق پاکستان اسٹیل کی بحالی کا پلان مکمل نہ ہوسکا جس پر ای سی سی نے پاکستان اسٹیل کی بحالی پلان کے لیے قائم کمیٹی کو 15 اپریل تک مزید مہلت دیتے ہوئے ازسرنو بحالی کی رپورٹ 15 اپریل تک طلب کرلی ۔
