ٰٖٖفیصل آباد (این این آئی) وزارت مذہبی امور حکومت پاکستان نے 798 نجی حج کمپنیوں کی لسٹ سرکاری ویب سائیٹ پر جاری کردی ہے، عازمین حج پرائیویٹ حج سکیم کے ذریعے حج درخواست دینے کے لیئے صرف ان کمپنیوں سے رابطہ کریں ۔حج آرگنائزرز ایسوسی ایشن آف پاکستان کے مرکزی راہنما حافظ شفیق کاشف نے وزارت مذہبی امور کی طرف سے نامزد حج آرگنائزرز کی لسٹ بروقت جاری کرنے کے فیصلے کو سراہتے ہوئے کہا ہے کہ جہاں نجی شعبے کو بکنگ اور انتظامات کے لیئے مناسب وقت ملے گا وہاں عازمین حج بھی نقصان سے بچ جائیں گے، انہوں نے کہا کہ عوام کو مالی نقصان اور

نان رجسٹرڈ ٹورز آپریٹرز کی لوٹ مار سے بچانے کے لیئے خصوصی آگاہی مہم چلا رہی ہے ۔ لہٰذا عوام سے درخواست ہے کہ وہ صرف ان کمپنیوں کے ساتھ حج 2019کے تحریری معاہدے کریں جن کی لسٹ سرکاری طور پر جاری کی گئی ہے، حافظ شفیق کاشف نے کہا کہ عوام کی آسانی کے لیئے ملک کے بڑے شہروں میں موجود حاجی کیمپوں اور ہوپ کے دفاتر میں معلومات اور آگاہی کے لیئے عملہ موجودر رہے گا تاکہ عازمین حج اکانومی پیکج سے لے کر سٹار پیکج اپنے بجٹ اور ضرورت کے مطابق حاصل کرسکیں انہوں نے کہا کہ ہوپ 798حج کمپنیوں کے ساتھ کیئے گئے حج معاہدوں کی ضامن ہے۔