ایڈمانٹن (این این آئی) کینیڈا میں پاکستانی شہریوں نے وزیر اعظم عمران خان کا دستخط شدہ بلا17ہزار ڈالر اور دستخط والی گیند 10ہزار ڈالر میں خریدلی ، وزیر اعظم ڈیم فنڈ کیلئے مزید دو لاکھ 60ہزار ڈالر کے عطییات جمع ہوگئے ۔تفصیلات کے مطابق کینیڈا کے شہر ایڈمانٹن میں یوم پاکستان کے سلسلہ میں ایک پروقار تقریب کا انعقاد کیا گیا جس میں وزیراعظم ڈیم فنڈ میں ایک دن میں 2 لاکھ 60 ہزار ڈالر عطیہ جمع کئے گئے۔ اس موقع پر پاکستانی شہری احمد سعید نے وزیراعظم عمران خان کا

دستخط شدہ بلا 17 ہزار ڈاٹر جبکہ ڈاکٹر خورشید خان اور ڈاکٹر زعیم صدیقی نے مشترکہ طور پر عمران خان کے دستخط والی گیند 10 ہزار ڈالر میں خرید لی۔سینیٹ کی قائمہ کمیٹی برائے انفارمیشن کے چیئرمین فیصل جاوید اور سابق چیف جسٹس آف پاکستان ثاقب نثار نے تقریب میں شرکاء سے خطاب بھی کیا۔فیصل جاوید نے گفتگو کرتے ہوئے کہا کہ حکومت نے دیامر بھاشا اور مہمند ڈیم کیلئے حکمت عملی تیار کر لی ہے اور امید ظاہر کی کہ دونوں ڈیم پانچ سے نو سال کے عرصہ میں مکمل ہو جائیں گے