کراچی (سی پی پی )سندھ پولیس سوشل میڈیا پر خوب ایکٹو ہوگئی۔ ملائیشیا سے کی گئی شکایت پر بیوی پر تشدد کرنے والے شوہر اور دیور کوگرفتار کرلیا ۔ایس ایس پی کورنگی علی رضا کے مطابق ثانیہ نامی خاتون کی والدہ نے ملائیشیا سے سوشل میڈیا پیج پر پولیس سے رابطہ کیا اور بیٹی پر سسرال میں
ہونے والے تشدد کے بارے میں شکایت کی۔شکایت پر ایس پی کلفٹن سہائے عزیز اور ایس ایس پی کورنگی نے مشترکہ طور پر کورنگی ڈیڑھ نمبر میں کارروائی کرتے ہوئے ثانیہ کے شوہر بشیر اور دیور سلیم کو گرفتار کرلیا ۔پولیس نے مقدمہ درج کرکے دونوں ملزمان سے تفتیش شروع کردی ہے۔
