اسلام آباد(آن لائن) وزیراعظم کے ترجمان ندیم افضل چن نے کہا ہے کہ وزیراعظم عمران خان سیاسی انتقامی کاروائیوں پر یقین نہیں رکھتے انہوں نے سب کو عاجزانہ رویہ اپنانے کا حکم دے رکھا ہے، نیب آزاد ادارہ ہے جبکہ اپوزیشن کے خلاف مقدمات چودھری نثار نے بنائے تھے۔ ہفتے کونجی ٹی وی سے گفتگوکرتے ہوئے وزیراعظم کے ترجمان ندیم افضل چن نے سیاسی مخالفین کے خلاف انتقامی کاروائیوں کے سختی سے تردید
کرتے ہوئے کہا ہے کہ وزیراعظم عمران خان سیاسی انتقامی کاروائیوں پر یقین نہیں رکھے۔ انہوں نے کہا کہ نیب ایک آزاد اور خود مختار ادارہ ہے۔ ہماری حکومت نے اپوزیشن کے خلاف ایک بھی کیس نہیں بنایا۔ اپوزیشن کے خلاف مقدمات چودھری نثار کے دور میں بنائے گئے ندیم افضل چن نے کہا کہ وزیراعظم نے ہم سب کو عاجزی اختیار کرنے کئی ہدایت کی ہے تلخیاں بڑھنے سے سیاست اور پارلیمنٹ کا نقصان ہوتا ہے۔
