لاہور( این این آئی )وزیراعظم کفایت شعاری مہم کے تحت اسلام آباد میں فروخت نہ ہونے والی 24سرکاری لگژری گاڑیوں کو لاہور اور کراچی میں نیلامی کے لئے پیش کرنے اورخریدار نہ ملنے کی صورت میں گاڑیاں متعلقہ اداروں کے حوالے کر نے کی تجویز دیدی گئی ۔نجی ٹی وی کے مطابق
لگژری گاڑیوں میں20 بم اور بلٹ پروف گاڑیاں بھی شامل ہیں۔ ایف بی آر نے تجویز دی ہے کہ لگژری گاڑیوں کو لاہور اور کراچی میں نیلام کیا جائے، اگر ایسا انہیں ہوتا تو گاڑیاں واپس متعلقہ اداروں کے حوالے کر دی جائیں تاکہ غیر ملکی سرکاری مہمانوں کے استعمال میں لائی جا سکیں۔
