اسلام آباد (این این آئی)جے یو آئی (ف)کے سربراہ مولانا فضل الرحمان نے اسلام آباد میں حکومت مخالف مجوزہ دھرنے کا پلان موخر کردیاہے۔جمعیت علمائے اسلام (ف)کے سربراہ مولانافضل الرحمان نے میڈیا سے گفتگو کرتے ہوئے کہا کہ جے یوآئی یاایم ایم اے کااپریل میں دھرنے کاارادہ نہیں۔انہوں نے کہاکہ 19 مارچ کے اجلاس کے ایجنڈے
میں دھرناشامل نہیں،دھرنے کے معاملے پرایم ایم اے کے اندر اختلافات کی خبریں غلط ہیں۔سربراہ جے یو آئی (ف)نے کہا کہ جب دھرناہماری ترجیح ہی نہیں تواختلافات کہاں سے آگئے،انہوں نے کہا کہ دھرنے کیلئے ہم خیال دوستوں سے مشاورت ضرورکی تھی لیکن تمام دوستوں نے حکومت کومزیدوقت دینے کامشورہ دیاہے۔
