اسلام آباد (این این آئی)سانحہ ماڈل ٹاؤن کی تحقیقاتی ٹیم سابق وزیر اعظم نواز شریف سے تفتیش کرے گی۔ جمعرات کو اسلام آباد کی احتساب عدالت کے جج محمد ارشد ملک نے درخواست پر سماعت کرتے ہوئے تحقیقاتی ٹیم کو نواز شریف سے ماڈل ٹاؤن کیس کی تفتیش کی اجازت دے دی۔پنجاب پولیس کے ڈی ایس پی
محمد اقبال نے عدالت سے استدعا کی ہے کہ نواز شریف ماڈل مقدمے میں نامزد ملزم ہیں، جیل میں ان سے تفتیش کی اجازت دی جائے۔ادھر نیب کی جانب سے پنجاب پولیس کی درخواست کی مخالفت کرتے ہوئے کہا گیا کہ نواز شریف سے تفتیش کے لیے پنجاب پولیس ہائی کورٹ سے رجوع کرے۔
