مریدکے (این این آئی) مریدکے کمسن بچوں کو اغوا کرکے کراچی فروخت کرنے والے گروہ کا رکن گرفتار دو کمسن بچے برآمد پولیس نے ملزم کو نیم پاگل قرار دینے کے باوجود مقدمہ درج کرلیا ۔تفصیل کے مطابق مریدکے شہر کی آبادی حدوکی سے شہریوں نے ایک تیس سالہ نوجوان کو اس وقت رنگے ہاتھوں پکڑ لیا جس وقت وہ دو کمسن بچوں کو اغوا کرکے لیجارہا تھا دوران تفتیش ملزم نے انکشاف کیا کہ اسکے دیگر چار ساتھی
بھی مریدکے میں موجود ہیں وہ فی بچہ دو ہزار روپے وصول کرتے ہیں مغوی بچے کراچی فروخت کئے جاتے ہیں پولیس کے مطابق پکڑے گئے شخص کیخلاف دو کمسن بچوں کو اغوا کرنے کا مقدمہ درج کرلیا گیا ہے ملزم نوشہرہ ورکاں گوجرانوالہ کا رہائشی ہے اور نیم پاگل لگتا ہے مزید تفتیش جاری ہے واضع رہے کہ مریدکے سے کئی بچے غائب ہیں جنکے والدین پریشان اور پولیس ڈھونڈنے میں ناکام ہے۔
