کراچی (این این آئی)انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں45پیسے اور اوپن کرنسی مارکیٹ میں 40پیسے کا اضافہ ریکارڈ کیاگیا، جس کے نتیجے میں انٹربینک مارکیٹ میں ڈالر کی قیمت ایک بار پھر139روپے سے تجاوزکرگئی۔فاریکس ایسوسی ایشن آف پاکستان کے جاری کردہ اعدادوشمار کے مطابق جمعرات کوانٹربینک مارکیٹ میں پاکستانی روپے کے مقابلے میں امریکی ڈالر کی قیمت میں45پیسے کامزیداضافہ ریکارڈ کیاگیا،
جس کے نتیجے میں امریکی ڈالر کی قیمت خرید138.80روپے سے بڑھ کر139.25روپے اورقیمت فروخت138.90روپے سے بڑھ کر139.35روپے ہوگئی۔اوپن کرنسی مارکیٹ میں پاکستانی روپے کے مقابلے میں امریکی ڈالر کی قیمت میں40پیسے کااضافہ ریکارڈ کیاگیا،جس کے نتیجے میں امریکی ڈالر کی قیمت خرید138.30روپے سے بڑھ کر138.70روپے اورقیمت فروخت138.80روپے سے بڑھ کر138.20روپے ہوگئی۔یوروکی قیمت میں50پیسے اوربرطانوی پاؤنڈکی قیمت خریدمیں1.50روپے اور قیمت فروخت میں1.70روپے کااضافہ ریکارڈ کیاگیا،جس کے نتیجے میں باالترتیب یوروکی قیمت خرید156.00روپے سے بڑھ کر156.50روپے اورقیمت فروخت157.80روپے سے بڑھ کر158.30روپے جبکہ برطانوی پاؤنڈکی قیمت خرید181.50روپے سے بڑھ کر183.00روپے اورقیمت فروخت183.30روپے سے بڑھ کر185.00روپے ہوگئی ۔فاریکس رپورٹ کے مطابق سعودی ریال اوریواے ای درہم کی قیمت میں باالترتیب5،5پیسے کااضافہ ریکارڈ کیاگیا،جس کے نتیجے میں باالترتیب سعودی ریال کی قیمت خرید36.85روپے سے بڑھ کر36.90روپے اورقیمت فروخت37.15روپے سے بڑھ کر37.20روپے اوریواے ای درہم کی قیمت خرید37.80روپے سے بڑھ کر37.85روپے اورقیمت فروخت38.10روپے سے بڑھ کر38.15روپے ہوگئی۔جمعرات کوچینی یوآن کی قیمت میں استحکام رہا،جس کے نتیجے میں چینی یوآن کی قیمت خرید20.30روپے اور قیمت فروخت21.30روپے پرمستحکم رہی۔
