سرگودھا(اے این این ) تبدیلی آگئی حکومتی پارٹی کے ایم پی اے کے مدمقابل الیکشن لڑنا لیگی سابق امیدوار پنجاب اسمبلی کے ایس ایچ او ماموں کو مہنگا پڑ گیا جسے سرگودھا سے ضلع بدر کر دیا گیا۔ ذرائع کے مطابق سب انسپکٹرمیاں محمد الیاس کلیار کوپانچ روز قبل شہر کے اہم تھانہ اربن ایریا سے
تبدیل کرکے تھانہ کڑانہ کا ایس ایچ او لگایا گیا ان کی تعیناتی کے ساتھ ہی حلقہ سے منتخب ہونے والے پی ٹی آئی کے چیمہ برادران کے دو ارکان پنجاب اسمبلی نے علاقائی سیاست میں ان کے تبادلہ کو ناخوشگوار سمجھتے ہوئے میاں محمد الیاس کلیار کو محض اس بنا پرسرگودھاسے میانوالی تبدیل کروادیاکہ اس کے بھانجے میاں عمر فاروق کلیار نے گزشتہ سال ملک بھر میں ہونیوالے انتخابات میں مسلم لیگ (ن) کی طرف سے پی ٹی آئی کے کے امیدوار چوہدری منیب سلطان چیمہ کیخلاف لڑا تھا جنہوں نے اپنے والد پی ٹی آئی کے رکن قومی اسمبلی عامر سلطان چیمہ اور ماموں رکن صوبائی اسمبلی چوہدری فیصل فاروق چیمہ کی مددسے انہیں تبدیل کروانے کے لیے اپنی تمام تر کوششیں شروع کیں جوبالآخر ایس ایچ او میاں محمد الیاس کلیار کو سرگودھا سے ضلع بدر کرنے میں کامیاب ہوگیءں اور انہیں میانوالی تبدیل کر دیا گیا عوامی سماجی حلقوں نے فوری طور پر تبادلہ منسوخ کرنے کا مطالبہ کیا ہے اور سیاسی بنیادوں پر اس تبادلے کو کیے جانے پر تشویش کا اظہار کیا ہے،دریں اثناء چیمہ گروپ کے ترجمان نے رابطہ کرنے پر اسکی سختی سے تریدید کی ہے۔
