کراچی (ین این آئی)سندھ اسمبلی کے اسیراسپیکرآغاسراج درانی نے کہاہے کہ احتساب کے نام پرمیری پوری فیملی کو پریشان کیاجارہا ہے،مجھ سے استعفے کا مطالبہ کس بنیاد پرکیاجارہے سمجھ سے بالاترہے، میں صرف اسپیکر نہیں، تین بار ایکٹنگ گورنر بھی رہا ہوں ،میں استغفی کیوں دوں۔ سندھ اسمبلی اجلاس میں شرکت کے موقع پرمیڈیا سے غیر رسمی گفتگو کرتے ہوئے آغاسراج درانی نے کہاکہ نیب کی تحقیقات ابھی جاری ہیں،
میرے بھائی کو بھی نیب نے نوٹس بھیجے ہیں، نِیب سے مکمل تعاون کر رہا ہوں، جو چیزیں نیب نے طلب کی تھی وہ فراہم کردی ہیں۔ انہوں نے کہاکہ ہمیں عدلیہ پر یقین ہے ،عدالت سے انصاف ملے گا، نِیب کا رویہ میرے ساتھ اچھا رہا ہے۔ انہوں نے کہاکہ ماضی میں احتساب مقدمات کا سامنا کیا اورسرخرو ہوا، اب بھی تمام الزامات کا سامنا کروں گا اورعدالت میں اپنی بے گناہی ثابت کریں گے ۔
