لاہور (آن لائن) وفاقی وزیر اطلاعات و نشریات فواد چوہدری نے کہا ہے کہ پاکستان میں ملک سمیت طلباء کا مستقبل روشن ہے اور اپنی تعلیم مکمل کرنے والے طلباء و طالبات مبارکباد کے مستحق ہیں۔ ایکسپو سنٹر میں سپریئر یونیورسٹی سے تعلیم مکمل کرنے والے طلباء و طالبات کے کانووکیشن سے خطاب کرتے ہوئے وفاقی وزیر اطلاعات نے کہا ہے

کہ ملک بھر کی یونیورسٹیوں سے ہزاروں طلباء پڑھ کر فارغ ہو رہے ہیں۔ اب حکومت کو انہیں روزگار فراہم کرنا ہے۔ پاکستان کو اپنے نوجوانوں پر فخر ہے۔ حکومت کو ان نوجوانوں کی صلاحیتوں سے فائدہ اٹھانے کی ضرورت ہے۔ وفاقی وزیر نے کہا کہ پاک بھارت کشیدگی کے دوران پاکستان متحد ہوا جبکہ بھارت تقسیم ہو کر رہ گیا۔ انہوں نے کہا کہ اگر آئندہ جنگ بھارت نے شروع کی تو پاکستان اسے ختم کرے گا۔ انہوں نے کہا کہ پاکستان نے تمام سیاسی جماعتوں کا اتحاد ہے۔ پاکستان کی فوجی قیادت بہت میچور ہے۔ پاکستان کا میڈیا بھی بہت میچور ہے۔ جس نے موجودہ حالات میں مثبت کردار ادا کیا۔ ہم آج بھی بھارت کو مذاکرات کی پیشکش کر رہے ہیں ہمارا کشمیریوں سے لہو کا رشتہ ہے۔ انہوں نے کہا کہ خطے میں امن حکومت کی اولین ترجیح ہے اس لئے کہ پاکستان کی قیادت ایک مضبوط ہاتھوں میں ہے اور پاکستان کے ساتھ ساتھ پاکستان کا مستقبل محفوظ اور روشن ہے۔ کانووکیشن میں سپریئر یونیورسٹی سے تعلیم مکمل کرنے والے 2300 طلباء اور طالبات میں ڈگریاں تقسیم کی گئیں اور 161 طلباء و طالبات کو گولڈ میڈلز سے نوازا گیا۔ کانووکیشن میں صوبائی وزیر قانون راجہ بشارت نے بطور مہمان خصوصی شرکت کی۔

موضوعات:فواد چوہدری