اسلام آباد (آن لائن)بھارتی لڑاکا طیاروں کی جانب سے پاکستان کی فضائی حدود کی خلاف ورزی کرنے پر پاک فضائیہ کی جانب سے 2 ہندوستانی طیاروں کو مار گرانے کے بعد ٹوئٹر دنیا بھر میں پاک فوج زندہ آباد کا ٹرینڈ بن گیا۔پاکستان آرمی زندہ آباد اورپاکستان اسٹرائیکس بیکس کا ٹرینڈ ٹوئٹر پر 2 گھنٹے قبل ہی شروع ہوا تھا۔

اس ٹرینڈ کے سامنے آنے کے چند منٹوں بعد ہی ٹرینڈ ٹاپ 5 ٹرینڈز میں شامل ہوگیا تھا۔پاکستان آرمی زندہ باد اورپاکستان اسٹرائیکس بیکس کے ٹرینڈز ایک گھنٹے کے بعد ٹاپ تھری اور پھر پہلے نمبر پر آگئے اور دنیا بھر سے ان ٹرینڈز پر ٹوئیٹس کی گئیں۔ان دونوں ٹرینڈز کے علاوہ پاکستانی ایئر فورس اور پرائڈ کا ٹرینڈ بھی ٹاپ ٹو ٹرینڈز بن گیا۔پاکستان فوج اور پاک فضائیہ کے یہ تینوں ٹرینڈ عالمی سطح پر پہلے، دوسرے اور تیسرے نمبر پر آنے کے علاوہ ملک میں بھی یہی ٹرینڈ پہلے نمبرز پر ہی رہے۔ان ٹرینڈز کے ہیش ٹیگ کے ساتھ ٹوئیٹ کرنے والے افراد نے پاک فضائیہ اور پاک فوج کی خدمات کو سراہا اور اس بات پر اطمینان ظاہر کیا کہ پاکستان نے عام آبادی کے بجائے بھارتی فوجیوں کو نشانہ بنایا۔کئی صارفین کی جانب سے بھارتی لڑاکا طیاروں کو مار گرانے کے بعد گرفتار کیے گئے بھارتی پائلٹ کی تصاویر بھی شیئر کی گئیں اور ہندوستان کا مخاطب ہوتے ہوئے بتایا کہ پاکستان کے پاس ثبوت ہے۔پاکستان فوج زندہ آباد، پاکستان اسٹرائیکس بیکس اور پاکستانی ایئر فورس اوور پرائڈ کے ٹرینڈ پاکستان میں بھی نمایاں رہے اور ہزاروں صارفین نے ملکی افواج کو خراج تحسین پیش کیا۔

موضوعات:ٹوئٹر