کھوئی رٹہ (آن لائن،مانیٹرنگ ڈیسک) بھارت اشتعال انگیزی سے باز نہ آیا ، اپنے طیاروں کی تباہی سے بدحواس ہوکر لائن آف کنٹرول پر سول آبادی پر گولہ باری شروع کردی ۔تفصیلات کے مطابق لائن آف کنٹرول کھوئی رٹہ پر بھارتی آرمی کی بلااشتعال گولہ باری ، ایک خاتون شہید ، تین افراد زخمی ، ایل او سی پر کشیدگی میں اضافہ ، تین کلو میٹر تک دیہات کو خالی کرانے کی ہدایات جاری کردی گئیں ۔ تفصیلات کے مطابق ایل او سی پر بھارتی آرمی نے
بلااشتعال سول آبادی کو نشانہ بنایا اور شدید گولہ باری کی جس سے گائوں خانپور سیری کی رہائشی خاتون شہناز بیگم زوجہ محمد صدیق عمر 45سال شہید ہوگئیں جبکہ سفیر بیگم زوجہ راجہ کرامت عمر 60سال ، عدنان ولد محمد اسلم عمر 22سال ، سمیرا دختر محمد اسلم عمر 18سال زخمی ہوئے ۔ زخمیوں کو طبی امداد کے لئے کھوئی رٹہ لایا گیا پاک فوج کی دشمن کی بزدلانہ کارروائیوں کا منہ توڑ جواب بھارتی فوجی مورچوں کو نشانہ بنایا ۔کئی تباہ ہوگئے ۔
