اسلام آباد (آن لائن) قومی احتساب بیورو نے میڈیا رپورٹس جن میں کہا گیا ہے کہ نیب نے واٹس ایپ میسج کے ذریعے آغا سراج درانی کی گرفتاری کے وارنٹ جاری کئے اور دیگر الزامات کی سختی سے تردید کرتے ہوئے کہا کہ نیب ایک قومی ادارہ ہے جو آئین اور قانون کے مطابق اپنے فرائض سر انجام دے رہا ہے نیب نے آغا سراج درانی سپیکر سندھ اسمبلی کے گھر سرچ آپریشن باقاعدہ
عدالت مجاز کے احکامات کی روشنی میں لیڈیز پولیس کے ہمراہ کیا۔ جتنی دستاویزات ان کے گھر سے برآمد کیں ان کے مکمل تفصیلات کے ساتھ ان پر متعلقہ افراد نے دستخط کئے نیب ہر فرد کی عزت نفس کا خیال رکھتا ہے نیب کی طرف سے کسی فرد کے ساتھ بد سلوکی کا سوال ہی پیدا نہیں ہوتا میڈیا سے درخوات ہے کہ وہ نیب سے متعلق کسی قسم کی خبر نشر / شائع کرنے سے پہلے تصدیق کرے۔
