کراچی(این این آئی)سعودی عرب اور پاکستان کے مشترکہ تجارتی حجم میں 23 فیصد اضافہ ہو گیا۔سعودی عرب اور پاکستان کے درمیان تجارت کا حجم 12 بلین ریال تک پہنچ گیا ہے۔ اس سے قبل باہمی تجارت کا حجم 9.8 بلین ریال تھا۔ الاقتصادیہ کی رپورٹ کے مطابق 2008 سے 2017 تک دونوں ممالک کے درمیان مشترکہ تجارت کا مجموعی حجم 142.4 بلین تھا۔رپورٹ میں بتایا گیا ہے کہ پاکستان ، سعودی عرب کے تجارتی شرکا کی فہرست میں 25 ویں نمبر پر آتا ہے۔ گزشتہ سال سعودی عرب اور پاکستان کے درمیان مشترکہ تجارت کے

حوالے سے سعودی عرب نے 8.8 بلین ریال اضافی تجارت کی۔ 2016 میں اس کا حجم 6.1 ارب تھا۔سعودی عرب سے مختلف اشیا درآمد کرنے والے ممالک میں پاکستان کا نمبر 18 واں ہے۔ پاکستان سعودی عرب کو مختلف تجارتی سامان فروخت کرنے والے ممالک میں 45 ویں نمبر پر آتا ہے۔ سعودی عرب پاکستان کو سب سے زیادہ معدنیات فروخت کرنے والے ممالک میں شامل ہے۔ اس شعبے میں تجارت کا حجم 6.9 بلین ریال ہے۔دوسری طرف پاکستان سعودی عرب کو سب سے زیادہ غذائی مواد فروخت کرتا ہے۔ اس کا حجم 270 ملین ریال ہے۔