کراچی (آن لائن) کراچی میں پشین کے 5 بچوں اور خاتون کی پراسرار موت کا معمہ حل ہوگیا۔کیمیکل تجزیہ کرنے والے ماہرین نے خاتون اور بچوں کی موت کی وجہ فوسفیس گیس کو قرار دے دیا۔ذرائع کا کہنا ہے کہ کمرے میں ایلمونیم فاسفیٹ کی گولیوں سے فیومی گیشن کی گئی تھی۔کمرے میں ایلمونیم فاسفیٹ کی ضرورت سے زیادہ گولیاں موجود تھیں۔ذرائع کا کہنا ہے کہ ایلمونیم فاسفیٹ کی گولیاں رات بھر فوسفین گیس خارج کرتی رہی۔
قبل ازیں رپورٹ کے مطابق کراچی کے سرکاری گیسٹ ہاؤس میں 5 بچوں اور خاتون کی اموات کیسے ہوئیں؟ تحقیقات نے نیا موڑ لے لیا۔ کھانوں اور لاشوں سے حاصل شدہ نمونے اور کمرے سے ملنے والے شواہد مختلف لیبارٹریوں کو بھیج دیے گئے۔سندھ میں سرکاری سطح پر کیمیکل اور مائیکروبیالوجیکل ٹیسٹ کی سہولت موجود نہیں ہے۔ گیسٹ ہاس کی ایک اور سی سی ٹی وی فوٹیج بھی سامنے آ گئی ہے۔کراچی کے سرکاری گیسٹ ہاؤس میں بچوں اور خاتون کی ہلاکت کے معاملے نے نیا موڑ لے لیا ہے۔ سندھ میں سرکاری سطح پر موجود کیمیکل بیکٹرولوجیکل لیبارٹری غیر فعال ہونے کی وجہ سے لاشوں کے کیمیکل اور مائیکروبیالوجیکل ٹیسٹ پنجاب فارنزک لیب سے کروائے جائیں گے۔لاشوں کی آنتوں، معدے، خون اور جگر کے مختلف حصے کیمیکل ایگزامن کے لیے پیر کو لاہور بھیجے جائیں گے۔ ماہرین کہتے ہیں کہ گیسٹ ہاؤس کے کمرے میں کیمیکل مواد پایا گیا۔ کمرے سے ملنے والی کھٹمل مار دوا ایلمونیم فاسفائیڈ اور دیگر7 شواہد ٹیسٹ کے لیے جامعہ کراچی کے شعبہ آئی سی سی بی ایس کو بھیج دیے گئے ہیں۔ دوسری جانب سندھ فوڈ اتھارٹی نے خوراک کے 33 نمونے ٹیسٹ کے لیے نجی لیبارٹری بھیج دیے ہیں۔ کیمیکل تجزیوں کی حتمی رپورٹس آنے میں دو ہفتے لگ سکتے ہیں۔ادھر گیسٹ ہاؤس کی ایک اور سی سی ٹی وی فوٹیج سامنے آ گئی ہے جس میں بچوں کے والد اور اہل خانہ کو گیسٹ ہاس میں چیک ان ہوتے دیکھا جا سکتا ہے۔
