عبدالحکیم (این این آئی ) کچاکھوہ سنگدل ماں نے آشنا سے مل کر دو معصوم بیٹیوں کو نہر میں پھینک دیا لاشیں تاحال نہ مل سکی دونوں ملزم گرفتار۔ تفصیل کے مطابق کچاکھو ہ کے نواحی گاؤں 85 پندرہ ایل کی رہائشی رخسانہ بی بی کی شادی دس سال قبل غلام شبیر سے ہوئی تھی اس شادی کے بعد دو بیٹیاں پیدا ہوئی تھی بعدازاں رخسانہ کی ایک دوسرے گاؤں کے رہائشی قمر زمان سے دوستی ہو گء دونوں نے مل کر گھر سے بھاگنے کا منصوبہ بنایا تاہم رخسانہ نے اپنی دونوں بیٹیاں 7 سالہ عائشہ اور تین سالہ کائنات کو اپنے ہمرہ لیا اور آشنا کے
ساتھ فرار ہونے لگی اور راستے میں 84 پندہ اہل کے قریب اس سنگدل ماں رخسانہ نے اپنی دونوں بیٹیوں سے جان چھڑانے کے لئے ان کو میلسی لنک کینال میں پھینک دیا اور خود آشنا کے ساتھ فرار ہونے لگی تو اہل علاقہ نے اس کو دیکھ کر پولیس کو اطلاع دیں پولیس نے ان کو موقع پر ہی گرفتار کر لیا پوچھ گچھ کے بعد اس خاتون نے پولیس کو سارا معاملہ بتا دیا اطلاع ملتے ہی ریسکیو 1122 موقع پر پہنچ گئی انہوں نے بچوں کی تلاش شروع کردی تاہم رات گئے تک لاشیں برآمد نہ ہوسکی پولیس نے ان دونوں ملزمان کے خلاف مقدمہ درج کر لیا۔
