لاہور( این این آئی ) مسلم لیگ ن کی رکن پنجاب اسمبلی حنا پرویز بٹ نے کہا ہے کہ عمران خان کی شہباز شریف پر تنقید بغض اور عداوت پر مبنی ہے۔شہباز شریف کی کارکردگی کی تعریف غیر ملکی ادارے کررہے ہیں۔میاں شہباز شریف کی قیادت میں پنجاب کے عوام کو تین میٹرو بس،اورنج لائن ٹرین ،بجلی کے پروجیکٹس،نئے ہسپتالوں و تعلیمی اداروں کی تعمیر سمیت کئی میگا پروجیکٹس شامل ہیں۔جبکہ شہباز شریف کے مقابلے پر ایک ایسے شخص کو پنجاب کا وزیر اعلیٰ بنایا گیا ہے جس کے باس کوئی اختیارات نہیں ۔پنجاب کو وزیر اعلیٰ
کی بجائے علیم خان،چوہدری سرور اور سپیکر پنجاب اسمبلی چلا رہے ہیں ۔انہوں نے مزید کہا تحریک انصاف کی گورنمنٹ نے پانچ سالوں میں کے پی کے میں ایک بھی ہسپتال اور سکول مکمل نہیں کیا جبکہ پشاور میٹرو بس کی وجہ سے آج بھی پشاور کھنڈرات کا منظر پیش کررہا ہے۔شہباز شریف نے جتنی لاگت سے تین میٹرو بس تیار کی اس سی کہی زیادہ لاگت پشاور میٹرو پر آچکی ہیںلیکن ابھی تک یہ منصوبہ مکمل نہیں ہو سکا۔موجودہ حکومت اگر پانچ سالوں میں شہباز شریف کے شروع کردہ منصوبے مکمل کرلے تو یہی ان کی کارکردگی ہو گی۔
