لاہور (این این آئی) سینئر صوبائی وزیر عبدالعلیم خان نے کہا ہے کہ پنجاب میں حکومت کو کوئی خطرہ نہیں، چوہدری پرویز الٰہی کیساتھ بہت اچھا ورکنگ ریلیشن شپ ہے۔میڈیا سے گفتگو کرتے ہوئے عبدالعلیم خان نے کہا کہ پولیس ریفارمز ہمارے ایجنڈے کا حصہ ہے اور اسے ہم کر کے دکھائیں گے، اس حوالے سے کمیٹی بنائی ہوئی ہے۔ انہوں نے کہا کہ وزیر اعظم عمران خان کی سربراہی میں پاکستان ترقی کرے گا۔ تحریک انصاف کی حکومت پنجاب کو مثالی صوبہ بنا کر دکھائے گی۔انہوں نے مزید کہا کہ وزیراعلی پنجاب عثمان بزدار
اچھے آدمی ہیں، ہم سب ان کی ٹیم کا حصہ ہیں، ہم نے عہدوں کے لیے نہیں بلکہ ملک میں تبدیلی کے لیے عمران خان کا ساتھ دیا۔ایک سوال کا جواب دیتے ہوئے انہوں نے کہا کہ پنجاب کے خراب حالات کے ذمہ دار سابق وزیراعلی پنجاب ہیں۔انہوں نے صحت عامہ پر توجہ دینے کے بجائے میٹرو اور اورنج لائن پر دی، سابقہ دور میں لگائے گئے بڑے پراجیکٹ سفید ہاتھی بن چکے ہیں۔انہوں نے کہا کہ نواز شریف کی صحت اگر خراب ہے تو ہماری دلی ہمدردی ہے، قانون کے مطابق نواز شریف کو تمام حقوق دیں گے۔
