دبئی (این این آئی)پاکستان اور دبئی نے پاکستانی قیدیوں کے مسائل کے حل کیلئے جوائنٹ کمیٹی بنانے پر اتفاق کیا ۔ اتوار کو وزیر اعظم کے معاون خصوصی ذوالفقار بخاری نے دبئی پولیس کے سربراہ میجر جنرل عبداللہ خلیفہ المری کے ساتھ ملاقات کی ۔ پولیس چیف نے ادارے کے کام کے طریقہ کار پر بریفنگ دی۔زلفی بخاری اور دبئی پولیس چیف کی قیدیوں کے مسائل پر بات چیت کی گئی ۔ ترجمان او پی ایف کے مطابق پاکستانی قیدیوں کی تعداد اور ان کے مسائل پر گفتگو ہوئی۔ ترجمان او پی ایف
کے مطابق پاکستانی قیدیوں کو سہولیات کی فراہمی پر بھی بات چیت ہوئی، جوائنٹ کمیٹی پاکستانی قیدیوں کے مسائل حل کرنے پر خصوصی توجہ دیگی۔ ترجمان نے کہاکہ جن قیدیوں کی سزا پوری ہو چکی ہے ان کی رہائی کے انتظامات کیے جائیں گے۔ ترجمان کے مطابق قیدیوں کی معلومات کا ان کی سزا ختم ھونے سے پہلے تبادلہ کیا جائے گا تا کہ ان کو پاکستان واپس لانے کے انتظامات کیے جائیں۔ ترجمان کے مطابق مستقبل میں قیدیوں کی معلومات کا تبادلے کا مکینزم تیار کیا جائیگا۔
