اسلام آباد( آن لائن )پاکستان مسلم لیگ ن کے رہنما خواجہ سعد رفیق قومی اسمبلی میں حکومتی بنچز کے پاس جا پہنچے۔میڈیا رپورٹس میں بتایا گیا ہے مسلم لیگ ن کے رہنما خواجہ سعد رفیق قومی اسمبلی میں دھواں دار تقریر کرنے والے مراد سعید کے پاس جا پہنچے اور ان کے سامنے والی نشست پر بیٹھ گئے۔مراد سعید اور خواجہ سعد رفیق کو آپس میں بات کرتے ہوئے بھی دیکھا جا سکتا ہے۔ گذشتہ روز
جب وفاقی وزیر مراد سعید نے قومی اسمبلی میں دھواں دار تقریر کی تو اپوزیشن نے شدید احتجاج کیا تاہم ان کی تقریر ختم ہوتے ہی خواجہ سعد رفیق حکومتی بنچز کے پاس آ کر بیٹھ گئے اور سیٹ کا رخ مراد سعید کی جانب موڑ کر ان سے باتیں کرنے لگ گئے۔دونوں رہنما خوش گپیوں میں مصروف رہے ایسا لگ رہا تھا کہ سعد رفیق نے کوئی خاص پیغام مراد سعید کو دینے کی کوشش کی ہے۔
