سکھر (این این آئی) سکھر میں باپ بیٹی کے قتل کا معمہ حل ہوگیا، شادی سے انکار پر پولیس اہلکار نے گھر میں گھس کر باپ بیٹی کو قتل کیا۔اطلاعات کے مطابق سکھر کے علاقہ بندر روڈ میں فلیٹ سے 80 سالہ قربان بلوچ نامی شخص اور اس کی 40 سالہ بیٹی آسیہ کی لاشیں برآمد ہوئی تھیں۔ابتدائی بیان میں پولیس نے بتایا تھا کہ دونوں کو فائرنگ کرکے قتل کیا گیا ہے۔ مقتول قربان سکھر الیکٹرک پاور کمپنی کا ریٹائرڈ ملازم تھا جبکہ مقتولہ آسیہ گوپانگ طلاق یافتہ تھی اور والد کے ساتھ 9 سال سے رہائش پذیر تھی۔پولیس نے دونوں کی

لاشوں کو پوسٹ مارٹم کیلئے ہسپتال منتقل کیا اور قتل کی وجوہات اور ملزمان کا پتا چلانے کیلئے تحقیقات کو آگے بڑھانا شروع کیا،جب قتل میں استعمال ہونیوالی گولیوں کے خول کا فارنزک تجزیہ کرایا گیا تو معلوم ہوا کہ قتل میں ایک پولیس اہلکار ملوث ہے جسے گرفتار کرلیا گیا ہے۔ایس ایس پی عرفان سموں کے مطابق قتل کے الزام میں رحمت گوپانگ نامی شخص کو گرفتار کیا گیا ہے جو پولیس اہلکار ہے اور آسیہ سے شادی کرنا چاہتا تھا۔پولیس کے مطابق والد کے انکار پر ملزم نے باپ بیٹی کو گھر میں گھس کر قتل کیا۔