لاہور(این این آئی)پاکستان مسلم لیگ (ن) لاہور کے صدر و رکن قومی اسمبلی محمد پرویز ملک اور جنرل سیکرٹری خواجہ عمران نذیر نے کہا ہے کہ تین مرتبہ وزیراعظم رہنے والا جیل میں ہے، اگر نواز شریف کو کچھ ہوا تو اس کی ذمہ دار حکومت ہو گی ،حکومت فوری نواز شریف کی صحت سے متعلق امور کو دیکھے اور انہیں فوری ہسپتال منتقل کرے ۔گذشتہ روز لاہور دفتر میں پارٹی میٹنگ سے خطاب کرتے ہوئے انہوں نے کہا کہ سانحہ ساہیوال پر کوئی سمجھوتہ نہیں ہوگا ،جے آئی ٹی کی رپورٹ مسترد کرتے ہیں۔

جوڈیشل کمیشن بنایا جائے،حکمران جوڈیشنل کمیشن سے کیوں خائف ہیں ؟ ۔ایک گھرانہ تباہ وبرباد ہو گیا اس طرح کے واقعات کو نظرانداز کیا گیا تو پھر آئندہ کسی کی جان و مال، عزت و آبرو محفوظ نہیں رہے گی۔انہوں نے کہا کہ سانحہ ساہیوال پر کسی کو پوائنٹ سکورنگ کرنے کی ضرورت نہیں پنجاب حکومت وعدے کے مطابق سانحہ ساہیوال پر جوڈیشل کمیشن بنائے ، جے آئی ٹی کی رپورٹ پر مطمئن نہیںیہ انسانی حقوق کا مسئلہ ہے اس پر پورے ملک میں ایک ہی آواز ہے اور سانحہ کے ذمہ داروں کا تعین کیا جائے۔

موضوعات:پرویز ملک