لاہور ( این این آئی) تبدیلی سرکارمیں وی وی آئی پی کلچر تبدیل نہ ہوا،ایوان وزیر اعلیٰ پنجاب میں داخلے کیلئے نیا وی آئی پی ایس او پی جاری کر دیا گیا ۔ تفصیلات کے مطابق وزیراعلیٰ آفس پنجاب میں اوپن ڈور پالیسی ختم کرتے ہوئے داخلے کے لیے نیا وی آئی پی ایس او پی جاری کر دیا گیا ہے جس کے مطابق اعلی افسران اور پی ٹی آئی ممبرا ن کے داخلے کے لئے
چیکنگ کی ضرورت نہیں تاہم وزیراعلیٰ سے ملنے کی خواہش رکھنے والے عام آدمی اور چھوٹے افسران کو سخت انتظامات سے گزرنا ہوگا۔ایس او پی کے مطابق شہری اپنی فریاد کے لیے پہلے وزیر اعلیٰ کے پرسنل سیکرٹری اور پی ایس او سے رابطہ کریں گے ، عام شہری کی سکیورٹی کلیئرنس اور افسران کی اجازت کے بعد ایوان وزیر اعلیٰ میں آ سکے گا۔
