اسلام آباد (این این آئی)پاکستان مسلم لیگ (ن )کے صدر اور قائد حزب اختلاف شہباز شریف کی زیر صدارت اپوزیشن کے سینئر پارلیمانی رہنماؤں کے مشاورتی اجلاس میں سابق وزیر اعظم نوازشریف کی صحت کے حوالے سے تشویش کا اظہار کیا گیا اور ان کی جلد صحت یابی کیلئے دعا کی گئی ۔منگل کو شہباز شریف کی زیر صدارت ہورنے والے اجلاس میں سابق وزیراعظم محمد نواز شریف کی صحت کے حوالے سے اظہار تشویش کیا اور ان کی جلد صحت یابی کے لئے دعا کی گئی۔اجلاس میں ملک
کی مجموعی سیاسی صورتحال، سانحہ ساہیوال، منی بجٹ اور مستقبل کی سیاسی حکمت عملی پر غور کیا گیا ۔ اجلاس کے دور ان عوام دشمن حکومتی اقدامات کی بھرپور مزاحمت کرنے کا فیصلہ اور سانحہ ساہیوال کے ملزمان کو حکومت کی طرف سے بچانے کی کوشش کی اطلاعات پر اظہار تشویش کیا گیا ۔اجلاس کے دور ان کہاگیا کہ متحدہ اپوزیشن سانحہ ساہیوال کے مقتولین کے ورثا کا بھرپور ساتھ دیگی،منی بجٹ پیش کرنے کے بعد بھی عوام کو یقین نہیں کہ حکومت صورتحال سنبھال پائےگی۔
