اسلا م آباد (آن لائن )پیپلزپارٹی کے چیئرمین بلاول بھٹو زرداری نے کہا ہے کہ تحریک انصاف نے پنجاب کوپولیس سٹیٹ میں تبدیل کردیا۔سانحہ ساہیوال پیغام ہے کہ نئے پاکستان میں شہری بال بچوں کیساتھ گھروں سے باہرنہ نکلیں۔پیپلزپارٹی کے چیئرمین بلاول بھٹو زرداری نے ساہیوال واقعے پر ردعمل دیتے ہوئے پولیس کے ہاتھوں شہریوں کے قتل کی شدیدالفاظ میں مذمت کرتے ہوئے کہا کہ یہ سانحہ پیغام ہے،نئے پاکستان میں شہری بال بچوں کیساتھ گھروں سے باہرنہ نکلیں۔انہو ں نے کہا کہ بچوں کے
سامنے والدین کاقتل گڈگورننس کے جھوٹے دعویداروں کے منہ پرطمانچہ ہے،اتنے بڑے سانحے کے بعد حکومت لاپتا ہوگئی ریاست مدینہ کی پیروی کے دعویدارآج کے حکمران بتائیں سانحہ ساہیوال کاذمے دارکون ہے؟ عمران نیازی سرکارکی تحقیقات پرکسی کواعتمادنہیں۔انہو ں نے مزید کہا کہ ایس ایس پیزاورآئی جیزکوتبادلہ کرنے والوں سے انصاف نہیں ہوگا،ٹوئٹروالی سرکاردروغ گوئی اورمخالفین پرالزام بازی کے علاوہ کچھ نہیں کرسکتی،نیاپاکستان کے نام پرملک میں جنگل کاقانون لاگوکردیاگیاہے۔
