ساہیوال /لاہور( این این آئی) ساہیوال میں سی ٹی ڈی سے مبینہ مقابلے میں ہلاک ہونے والے افراد کے ساتھ موجود بچے عمیر خلیل نے بتایا کہ وہ اپنے چچا رضوان کی شادی کی تقریب میں شرکت کے لئے بورے والا جارہے تھے ۔ ایک ڈالا آیا ۔ ابو نے کہا کہ پیسے لے لو ،فائرنگ نہ کرو ، ہمیں معاف کر دو لیکن وہ فائرنگ کرتے رہے ۔ ہم بچ گئے اور جو مر گئے
انہیں گاڑی میں چھوڑدیا ۔ ہمیں پہلے پتہ نہیں کہاں لے گئے اور پھر پیٹرول پمپ پر لا کر چھوڑ دیا ۔ یہاں ہمیں سارے دیکھتے رہے اور ایک شخص نے کہا کہ میں تمہیں گھر چھوڑ دیتا ہوں ، پھر پیچھے سے آئے اور ہمیں ہسپتال چھوڑ دیا ۔عمیر نے بتایا کہ مرنے والوں میں اس کا والد خلیل ، والدہ نبیلہ ، بڑی بہن اریبہ اور ابو کے دوست شامل ہیں۔
