اسلام آباد ( این این آئی) عرب نیوز نے دعویٰ کیا ہے کہ وزیراعظم عمران خان کے 50 لاکھ گھروں کی تعمیر کے منصوبہ کیلئے مصری ارب پتی نے ایک لاکھ گھر تعمیر کرنے کی پیشکش کردی ہے جبکہ حکومتی ذرائع کا کہنا ہے کہ اگر سرکاری سطح پر رابطہ ہوا تو حکومت سرمایہ کاروں کوخوش آمدید کہے گی۔
نجی ٹی وی کے مطابق وزیراعظم عمران خان کے 50 لاکھ گھروں کی تعمیر کیلئے مصری بزنس مین اورپراپرٹی ٹائیکون سرمایہ کاری پر تیار ہے۔ عرب نیوز نے دعویٰ کیا ہے کہ مصری ارب پتی ناگوئیب سویریس ہاؤسنگ منصوبے پر سرمایہ کاری کیلئے تیار ہے اور انہوں نے ایک لاکھ گھر تعمیر کرنے کی پیشکش کردی ہے۔ناگوئیب سویریس کی کمپنی کے چیف ایگزیکٹو طارق حامدی نے عرب نیوز کو انٹرویو دیتے ہوئے کہاکہ پاکستانی وزیراعظم کا 50لاکھ گھروں کا منصوبہ انتہائی اہم ہے، منصوبے کی تکمیل میں اربوں ڈالرز اور وقت کی ضرورت ہے۔ناگوئیب سویریس کا کہنا تھا کہ وزیراعظم عمران خان کے ساتھ ایک لاکھ گھروں کی تعمیر کر سکتے ہیں، منصوبہ فوری طور پر نہیں مرحلوں میں مکمل کیا جا سکے گا۔دوسری جانب عرب نیوز کی خبروں پر پاکستانی حکام کا موقف بھی سامنے آگیا ہے۔ حکومتی ذرائع کا کہنا ہے کہ سرکاری سطح پر ابھی تک ایسی کوئی پیشکش موصول نہیں ہوئی، اگر سرکاری سطح پر رابطہ ہوا توحکومت سرمایہ کاروں کوخوش آمدیدکہے گی۔ عرب نیوز نے دعویٰ کیا ہے کہ وزیراعظم عمران خان کے 50 لاکھ گھروں کی تعمیر کے منصوبہ کیلئے مصری ارب پتی نے ایک لاکھ گھر تعمیر کرنے کی پیشکش کردی ہے جبکہ حکومتی ذرائع کا کہنا ہے کہ اگر سرکاری سطح پر رابطہ ہوا تو حکومت سرمایہ کاروں کوخوش آمدید کہے گی۔
