لاہور(این این آئی) ایک ہی تقریب میں شرکت کے موقع پر میڈیا سے گفتگو کے دوران ایکدوسرے پر تنقید کے نشتر برسانے والے سیاسی رہنما آمنا سامناہونے پر خوش گپیوں میں مصروف دکھائی ، مفتاح اسماعیل نے فواد چوہدری کے ساتھ تصویر کو زیادہ کوریج ملنے کا ذریعہ قرار دیدیا۔ تفصیلات کے مطابق الحمرا ہال میں منعقد ہ ایک تقریب میں حکومت اور اپوزیشن کے علاوہ زندگی کے مختلف شعبوں سے تعلق رکھنے والی نمایاں شخصیات نے شرکت کی ۔میڈیا سے گفتگو کے
دوران وفاقی وزیر فواد چوہدری ، مسلم لیگ (ن) کے رہنماؤں مصدق ملک اور مفتاح اسماعیل نے ایک دوسرے پر خوب تنقید کی ۔ کچھ دیر بعد ہی ایک سٹال پر تینوں رہنما خوش گپیوں میں مصروف دکھائی ۔اس موقع پر میڈیا کیمروں کی نشاندہی بھی کی گئی ۔مفتاح اسماعیل نے کہا کہ فواد چوہدری کے ساتھ تصویر کو زیادہ کوریج ملتی ہے ۔ فواد چوہدری نے مسکراہتے ہوئے کہا کہ لوگ کہیں گے کن لوگوں کے ساتھ کھڑا ہے ۔ مصدق ملک نے کہا لوگوں کو اندر کی بات پتہ چل جاتی ہے ۔
