اسلام آباد(سی پی پی ) وزارت مذہبی امور نے رویت ہلال کمیٹی تحلیل کرنے کی خبروں کی تردید کردی۔ ترجمان وزارت مذہبی امور کی جانب سے جاری بیان میں کہا گیا کہ رویت ہلال کمیٹی تحلیل کرنے کی خبروں میں کوئی صداقت نہیں‘ حکومت نے رویت ہلال کمیٹیاں

ختم کرنے کا کوئی فیصلہ نہیں کیا جبکہ رویت ہلال کمیٹی تحلیل کرنا وفاقی وزیر کے اختیار میں نہیں۔واضح رہے کہ گزشتہ روز رویت ہلال کمیٹی تحلیل کرنے کے حوالے سے خبریں سامنے آئی تھیں جس میں کہا گیا تھا کہ حکومت نے رویت ہلال کمیٹیاں ختم کرنے کا فیصلہ کرلیا ہے۔