کراچی(آ ئی این پی)وفاقی تحقیقاتی ادارے(ایف آئی اے)نے آن لائن فراڈ میں ملوث 10 ملزم گرفتار کر لیے، ملزمان کے خلاف مقدمہ بھی درج کر دیا گیا،تفصیلات کے مطابق ہفتہ کو آن لائن فراڈ کرنے والے دس ملزمان ایف آئی اے کے شکنجے میں آ گئے، گرفتار 3 ملزمان 2016 میں بھی جعل سازی میں ملوث تھے،گروہ اب تک ڈیڑھ کروڑ سے زائد کا فراڈ کر چکا ہے،ایف آئی اے نے گرفتار ملزمان کے خلاف فراڈ کا مقدمہ درج کر دیا،ڈپٹی ڈائریکٹر سائبر کرائم کا کہنا ہے کہ گرفتار ہونے والا گروہ اب تک ڈیڑھ کروڑ سے زائد کا فراڈ کر چکا ہے، ملزمان کو اوکاڑہ، کراچی اور پشاور سے گرفتار کیا گیا،

ایف آئی اے کے مطابق فراڈ میں ملوث گروہ غیر قانونیسم ایکٹیویٹ کرا کر جعلی آئی ڈی سے دھوکا دہی کرتا تھا،ایف آئی اے نے بتایا کہ دھوکا دہی میں ملوث تمام افراد کے اکانٹس منجمد کر دیے گئے ہیں،خیال رہے کہ کراچی میں ایک ایپ کے بارے میں انکشاف ہوا تھا کہ اس کے ذریعے موبائل صارف کے کوائف تک آسانی سے رسائی ممکن ہو گئی ہے، جس سے کروڑوں موبائل صارفین کی ذاتی معلومات خطرے میں پڑ گئی تھی،اس ایپ پر موبائل نمبر ڈالتے ہی شہری کے نام، شناختی کارڈ نمبر اور گھر کے پتے تک رسائی مل جاتی ہے، ایف آئی اے حکام نے اسے ایک بہت بڑا سیکورٹی لیپس قرار دیا۔