لاہور (نیوز ڈیسک) پیپلز پارٹی پنجاب نے الزام عائد کیا ہے کہ لاہور میں انتظامیہ نے بلاول بھٹو زرداری کے استقبال کیلئے لگائے گئے بینرز اتار دیئے ، 126دن تک دھرنا دینے والی تحریک انصاف سے بلاول بھٹو کا تاریخی استقبال برداشت نہیں ہو رہا۔اس حوالے سے پیپلز پارٹی پنجاب کے سیکرٹری اطلاعات و پارلیمانی لیڈر سید حسن مرتضیٰ نے انتظامیہ کی جانب سے بلاول بھٹوزرداری کے استقبال کے لیے لگائے گئے بینر اتارنے کی شدید مذمت کرتے ہوئے کہا

کہ انتظامیہ اور تحریک انصاف کی حکومت اوچھے ہتھکنڈوں پر اتر آئی ہے ،کنال روڈ سے لیکر الحمرا ہال تک ہمارے استقبالیہ بینرز کا اتار دیا گیا ۔پیپلزپارٹی کی احتجاجی کال دینے پر انتظامیہ نے پیپلزپارٹی کے اتارے گئے بینرز کو مال روڈ پر پھینک دیا اور فرار ہوگئے۔انہوں نے کہا کہ 126دن تک دھرنا دینے والی تحریک انصاف سے بلاول بھٹوزرداری کا تاریخی استقبال برداشت نہیں ہو رہا اور استقبال کی تیاریاں دیکھ کر حکمران خوف زدہ ہوکر ایسا کر رہے ہیں۔