اسلام آباد (مانیٹرنگ ڈیسک) پاکستان کے معروف صحافی حامد میر کے صاحبزادے رشتہ ازدواج میں منسلک ہو گئے ،دعوت ولیمہ کی تصاویر سامنے آگئیں۔ تفصیلات کے مطابق پاکستان کے معروف صحافی و اینکر پرسن حامد میر کے صاحبزادے عرفات میر رشتہ ازدواج میں منسلک ہو گئے ہیں گزشتہ روز ان کی دعوت ولیمہ کی تقریب کا انعقاد اسلام آباد کے سرینا ہوٹل میں کیا گیا۔ تقریب میں رشتہ داروں، عزیز و اقارب سمیت سیاستدانوں کی بڑی تعداد نے شرکت کی۔ تقریب میں سابق صدر اور پیپلزپارٹی کے
شریک چیئرمین آصف زرداری ،چیئرمین پیپلزپارٹی بلاول بھٹو زرداری، وزیراعلیٰ سندھ مراد علی شاہ ، ڈی جی آئی ایس پی آر میجر جنرل آصف غفور ، سابق وزیراعظم شاہد خاقان عباسی ، سینٹ میں قائد ایوان شبلی فراز، سابق وزیراعظم آزادکشمیر سردار عتیق،وزیراعظم آزادکشمیر فاروق حیدر، مولانا فضل الرحمن ، چوہدری شجاعت، مریم اورنگزیب، طاہرہ اورنگزیب، ندیم الحق قاسمی، معروف اینکر و کالم نگار جاوید چوہدری، کاشف عباسی اور مہر عباسی، حفیظ اللہ نیازی سمیت دیگر افراد شرکت کی۔
