لاہور(آئی این پی) مسلم لیگ (ن) کی رکن پنجاب اسمبلی حنا پرویز بٹ نے مہمند ڈیم کی تعمیر کا ٹھیکہ عبدالرزاق داد کی کمپنی ڈیسکون کو دینے کیخلاف پنجاب اسمبلی میں قرارداد جمع کروادی۔قرارداد کے متن میں کہا گیا ہے کہ ڈیم کی تعمیر کا ٹھیکہ وزیر اعظم کیمشیر عبدالرزاق داد کی کمپنی ڈیسکون کو دے کر میرٹ کی دھجیاں اڑا دی ہیں حکومتی مشیر کو ڈیم کی تعمیر کیلئے 309 ارب کا ٹھیکہ ملنا تشویشناک ہے مخصوص کمپنی کو ٹھیکہ نوازنے کیلئے دوسری کمپنیوں کی

پیشکش کو مسترد کیا گیا دوسری کمپنیوں کی ڈس کوالیفی کیشن کے بعد دوبارہ بولی ضروری نہیں تھی؟ صرف ایک بولی کے بعد ہی مخصوص کمپنی کو ٹھیکہ دینا قوانین کی کھلی خلاف ورزی ہے قرارداد میں حکومت سے مطالبہ کیا گیا ہے کہ مہمند ڈیم کی تعمیر کا ٹھیکہ کینسل کیا جائے اور وزیر اعظم کے مشیر عبدالرزاق داد کو اس کی وضاحت دینی چاہیے۔ قرارداد میں مہمند ڈیم کی تعمیر سے قبل دیامیر بھاشا ڈیم کی تعمیر شروع کرنے کا بھی کہا گیا ہے۔