لاہور (نیوز ڈیسک)آل پاکستان کلرکس ایسوسی ایشن(ایپکا) نے اپنے مطالبات منظور نہ ہونے کی صورت میں 8جنوری کو احتجاجی مظاہروں کی کال دیدی ۔ ایپکا نے حکومت پنجاب سے مطالبہ کیا ہے کہ ایپکا کے پیش کر دہ چارٹر آف ڈیمانڈسابقہ حکومت کے دور میں محکمہ صحت پنجاب کے ڈسٹرکٹ ہیڈ کوارٹر ہسپتالوں اور تحصیل ہیڈ کوارٹر ہسپتالوں میں کلیریکل سٹاف

(جونیئر کلرکس، سینئر کلرکس، ہیڈ کلرکس، اکاونٹنٹ، اسسٹنٹ اور سٹور کیپر)کی ختم کی جانے والی سیٹیو ں کو بحال کیا جائے، پنجاب سول سیکرٹریٹ کی طرز پر پنجاب بھر کے تمام سرکاری ملازمین کی مراعات (تنخواہ، ہائوس ریکوزیشن و یوٹیلٹی الائونس)یکساں کی جائیں ۔ایپکا نے مطالبہ کیا کہ گریڈ 1تا 22پنجاب ملازمین کی تنخواہوں میںدیگر صوبوں کے ساتھ پائے جانے والے 7.5فیصد بلا جواز فرق کو فی الفور ختم کرتے ہوئے تنخواہوں میں اضافہ کیا جانے، اپ گریڈیشن سے محروم بقیہ کیڈرز کی اپ گریڈیشن، یپکا نے مطالبہ کیا کہ گریڈ 1تا 22پنجاب ملازمین کی تنخواہوں میںدیگر صوبوں کے ساتھ پائے جانے والے 7.5فیصد بلا جواز فرق کو فی الفور ختم کرتے ہوئے تنخواہوں میں اضافہ کیا جانے، اپ گریڈیشن سے محروم بقیہ کیڈرز کی اپ گریڈیشن،صوبہ کے پی کے طرز پر گروپ انشورنس کی رقم ریٹائرمنٹ پر ادا کی جانے کی منظوری مورخہ7جنوری تک دی جائے ۔ ایپکا کی جانب سے واضح کیا گیا کہ مطالبات پورے نہ ہوئے تو 8جنوری بروزمنگل کو پنجا ب بھر کے تمام اضلاع میں ڈپٹی کمشنرآفسز کے باہر ڈویژنل و ضلعی صدور کی قیادت میں احتجاجی مظاہرے و دھرنے ہونگے جبکہ لاہور میں صبح 10بجے پنجاب اسمبلی چوک چیرانگ کرا س پر احتجاجی مظاہرہ ہو گا جس کی قیادت مرکزی صدر ایپکا حاجی محمد ارشاد چوہدری،لالہ محمد اسلم، ریاض الدین، حاجی فضل داد گجرو دیگر کریں گے اور لاہور ڈویژن کے تمام ملازمین شرکت کریں گے۔