اسلام آباد(مانیٹرنگ ڈیسک)بھارت کے سینئر جج مسٹرجسٹس مدن بھیم رائو لوکرکی قیادت میں سینئربھارتی ججوں کا تین رکنی وفد 18 جنوری کوواہگہ بارڈر کے راستے اسلام آباد پہنچے گا۔یہ وفد ایوان صدر میں مسٹر جسٹس آصف سعید خان کھوسہ کی سپریم کورٹ آف پا کستان کے نئے چیف جسٹس کے طور پر منعقد کی جانے والی حلف بردار ی کی تقریب میں شرکت کر ے گا۔ روزنامہ جنگ کے مطابق مسٹرجسٹس مدن بھیم رائولوکر
مسٹرجسٹس آصف سعید خان کھوسہ کے دوست ہیں اور انہیں مسٹرجسٹس آصف سعید خان کھوسہ کی طرف سے حلف برداری کی تقریب میں شرکت کے لئے خصوصی طور پر دعوت نامہ بھجوایا ہے۔ مسٹرجسٹس مدن بھیم رائولوکرگزشتہ ماہ 30دسمبر 2018 کو سپریم کورٹ کے جج کی حیثیت سے ریٹائر ہوئے ہیں ۔اس سے قبل وہ بھارت کی دو ریاستوں گوہاٹی اور تلنگانہ میں ہائی کورٹس کے چیف جسٹس کے طور پراپنے فرائض سر انجام دے چکے ہیں۔
